лотерея операторы



Лотерея операторы FLEXsys сынамалық жобасының сәтті аяталуы туралы хабарлайды.


04.04.2018
Лотерея операторы FLEXsys сынамалық жобасының сәтті аяталуы туралы хабарлайды.

Алматы қаласы, 03 сәуір 2018 жыл. Қазақстандағы лотерея Операторы, «Сәтті Жұлдыз» акционерлік қоғамы, Лотерея ақпаратын өңдеу орталығы мен Лотереялық есеп беру орталығының жұмысқа қабілеттілігін тексеріп отырған FLEXsys сынамалық жобасының сәтті аяқталуы туралы хабарлайды.

Естеріңізге сала кетсек, жаңа заңнамаға сәйкес лотерея операторы сатылымнан түскен қаражат, жинақталған жүлде қоры және қазақстандықтарға ақшалай ұтыстардың төленімі секілді сатылымдағы билеттер туралы ақпаратты нақты уақыт тәртіптемесінде қадағалауға мүмкіндік беретін аппаратты-бағдарламалық кешен - есеп беру Орталығын құруға міндеттелген.

Сынамалық жобаның жұмыс жасау мерзімінде, 2017 жылдың қыркүйек айынан 2018 жылдың наурызына дейін жалпы тиражы 2 100 000 билетті құрайтын, құны сәйкесінше 300 және 500 теңге болатын арнайы «Бақытты 7» және «Алтын» лездік лотереяларының сынақтамалық сатылымы іске қосылды. Жалпы, жобаның өткізілу уақытынан бері 1 миллионнан астам билет жүзеге асырылды, ал қазақстандықтар жалпы сомасы 215 млн. теңгеден аса ұтысқа ие болды (берілген сома жабылу сәтіне көрсетілген, бірақ әлі де өзгеруі мүмкін, себебі ұтысты алу мүмкіндігі 30 қыркүйекке дейін сақталады). Қолданыстағы заңға сәйкес оператор түскен қаражаттан «Туризм индустриясы мен спортты қолдау қоры» мемлекеттік корпоративтік қорына 23 миллион теңге көлеміндегі мақсатты төлем аударатынын атап өткен жөн.

Ағымдағы жылдың 16 наурызында «Сәтті Жұлдыз» лотерея операторы негізгі «AEGIS» IT-жүйесінде тираждық лотереяларды іске қосу арқылы Қазақстан Республикасында лотерея саласының толыққанды іске қосылуы туралы хабарлады. Бұл өз кезегінде FLEXsys сынамалық жобасының аяқталуы мен «Бақытты 7» және «Алтын» лездік лотерея билеттерінің сатылымының тоқтауын белгіледі. Лотерея операторы «Бақытты 7» және «Алтын» лездік лотерея сатылымының тоқтатылуы туралы ҚР Мәдениет және спорт министрлігі тұлғасындағы мемлекеттік реттеушіні ескертті. Бұған дейін сатылған билеттер бойынша ұтыс бар болған жағдайда қазақстандықтар оларды 2018 жылдың 30 қыркүйегіне дейін сату орындарында әкеліп көрсете алады. Тоқтатылған лездік лотереялардың орнына оператор «777» және «Жомарт 3» лездік лотереяларын іске қосты. Билеттерді оператордың сату орындарында сатып алуға болады.

Естеріңізге сала кетсек, қазақстандық лездік лотерея билеттерінің өндірісі Лидс (Ұлыбритания) қаласында орналасқан Scientific Games мамандандырылған баспаханасында жүзеге асады. Scientific Games International компаниясы 40 жылдан аса лездік лотереяларға, лотерея бизнесіндегі жүйелер мен қызметтерге біріктірілген шешімдерді әзірлеудің көшбасшысы болып табылады. Әлем бойынша 150-ден астам лотерея компаниялары лездік лотерея билеттерінің өндірісін дәл осы Scientific Games, Inc. баспаханасына тапсырады.

Другие события / Басқа оқиғалар

Лотерея билетін алып, сіз Қазақстан спортын дамытуға үлесіңізді қосасыз

Сіз 18 толдыңыз ба?
Жоқ Иә

Есть ли вам 18 лет?
Нет Да